Экология бошқармаси: Мурожаатларнинг фақат 30 фоизи ижобий ҳал этилган

Вилоят экология ва атроф-муҳитни муҳофаза қилиш бошқармаси ахборот хизматига кўра, эндиликда тизимда ўрганилган мурожаатлар бўйича «маслаҳат берилди» деган сўз ишлатилмайди. 

Чунки кейинги вақтларда соҳа бўйича ташкилотга вилоят фуқаролари томонидан 80 дан ортиқ мурожаатлар келиб тушган бўлса, шундан бор йўғи 30 фоиз қисми ижобий ҳал этилган. Шу сабабдан бошқарма раҳбарияти томонидан тизимдаги барча мутасаддиларга мурожаатлар билан ишлаш бўйича топшириқ берилган. 

Маълум қилинишича, хозирда ўрганилган 41 та мурожаатлар қайтадан ўрганиш учун йўналтирилган.

Шунингдек, республикамиз бўйлаб ов мавсуми тугатилганлиги муносабати билан жойларда 24 соатлик кучайтирилган назорат постларини ташкил этиш бўйича кўрсатма берилган.