Ҳайвонларнинг биз кутмаган ҳайратланарли хусусиятлари ва одатлари
Табиат барча жонзотларга жуда кўп ўзига хос хусусиятлар ва одатларни ато этган. Уларнинг барчасини билиб олиш учун бир умр ҳам етмаса керак. Биз инсоннинг юриш-туриш ва одатлари ҳақида озроқ тасаввурга эга бўлсак-да, ҳайвонлар ҳаёти кўпчилигимиз учун номаълум дунё бўлиб қолаверади.
Бугун табиий дунё ҳақидаги билимларингизни сезиларди даража бойитиш ва келажакда қизиқарли мулоқот мавзуси бўлиб хизмат қилишини кўзда тутиб ҳайвонот дунёси вакиллари ҳақида қизиқарли фактларни тўпладик.
Дельфин ухлаган пайтида бир кўзи очиқ туради
“Тунги навбатчилик” учун дельфин бир кўзини очиқ қолдиради, миясининг ярим палласи ҳам ишлаб туради. Бу унга атрофда нима бўлаётганидан хабардор бўлиш ва ўзининг соғлигини кузатиб туришга имкон беради.
Баъзи ит ва мушукларнинг одамларга аллергияси бор
Аллергик реакцияни кўпинча одамларда бўлган қазғоқ келтириб чиқади.
Чивинлар кўпроқ спиртли ичимлик истеъмол қилган одамларни чақади
Бу танлов ҳашаротларнинг октанол (ёғли спиртлар синфига мансуб органик модда) ҳидига жуда қизиқиши билан боғлиқ.
Ҳамма тошбақа ҳам бошини қобиққа тиқмайди
Денгиз тошбақалари қуруқликдагилардан фарқли ўлароқ бу хусусиятга эга эмас.
Қундуз хавфга дуч келганида...
Шқндай пайтда у тажовузкорнинг раҳм-шафқат туйғусини уйғотишга ҳаракат қилиб унга янги туғилган боласини кўрсатади.
Жўжалар ҳали туғилмаган бўлсалар ҳам, бир-бирлари билан мулоқот қила олади
Улар қўшни тухумдаги биродарини эшитишга имкон берадиган махсус овоз тизимига эга.
Оқ айиқлар бир-бирлари билан бурунларини тегизиб саломлашишади
Худди шу ишора ёрдам сўраш ёки илтифотни англатиши мумкин.
Шимпанзе болалари қўғирчоқ ўйнайди
Кичкина шимпанзе қизчалари тош ва таёқчаларни олиб инсон болалари каби чақалоқни тасаввур қилиб уларга меҳрибонлик қилишади.
Сигирларнинг ўз урғуси бор
Сигирларнинг талаффузи қайси мамлакатда яшашига боғлиқ. Демак, турли мамлакатнинг сигирлари турлича маърайди.
Баҳора тўплади.
