Жазирама иссиқдан қандай сақланиш керак?
Жазирама иссиқ - бир неча кунда ўртача ҳаво ҳароратининг 10 ва ундан юқори даражага кўтарилишини англатади.
Хавфи шундан иборатки, инсон тана ҳароратининг 37,1 С дан 38,8 С гача кўтарилиши саломатлигига салбий таъсир этади. Тана ҳароратининг кўтарилиши тананинг қизаришига ва кучли чанқоқга олиб келади. Кейинчалик, ҳушдан кетиш, нафас қисиши ва юрак тўхташига олиб келиши мумкин.
Жазирама иссиққа қандай тайёргарлик кўриш мумкин?
Сув захирасини яратиш учун қўшимча идишларга сув тўлдириб қўйинг. Иссиқ кунга мўлжалланган кийимларни, электр маиший ускуналарни (вентилятор, кондиционер) дан фойдаланинг. Агар сиз қишлоқ жойларда истиқомат қилсангиз, соябон, шийпонлар, қудуқлардан, шунингдек деразалар учун қалин пардалардан фойдаланинг.
Жазирама иссиқ ҳарорат таъсиридан сақланиш учун оч рангдаги, ҳаво ўтказувчи (иложи бўлса пахта хомашёсидан) кийим ва бош кийимларни кийинг.
Ёдда тутингки, куйган тана қисми совимайди ва терламайди. Шошмасдан ҳаракатланинг, иложи борича соя жойларда бўлишга ҳаракат қилинг.
Пиво ва бошқа алькогол маҳсулотларни истеъмол қилиш тавсия этилмайди, бу организмнинг умумий ҳолатига салбий таъсир этиши мумкин. Иссиқ кунда шифокорлар билан маслаҳатлашган ҳолда, қўшимча тузли маҳсулотлар ва мева, сабзавотлардан истеъмол қилинг.
Жазирама иссиқ натижасида офтоб урганда зудлик билан соя жойга ўтинг, душ қабул қилинг ёки шамол бор жойга бориб, аста-секинлик билан кўпроқ сув истеъмол қилинг. Офтоб урушидан сақланиш мақсадида иложи борича баданингизни совутишга ҳаракат қилинг.
ссиқ кунда нима қилиш кeрак?
Кўпроқ сув ичиш. Тўғри сув ичиш тартиби организм фаолиятини яхши ишлаши ва сув-туз балансини меъёрлашига қулай шароит туғдиради. Иссиқ кунда сув истеъмол ҳажмини кўпайтириш керак. Бунда организмнинг сув танқислигини тўлдириш учун газланган ёки нектар сув эмас, аксинча оддий ичимлик сувини истеъмол қилиш керак. Сурункали касаллиги мавжуд бўлса, шифокор тавсиясига риоя қилиш лозим.
Энг иссиқ пайтда – соат 12:00 дан 16:00 гача кўчага чиқмаслик ва айниқса, қуёш тагида юрмасликка ҳаракат қилинг. Кунингизни шундай режалаштирингки, бу вақтда ишда ёки уйда бўлинг.
Кўпроқ душ қабул қилинг. Мунтазам равишда тозаланиш баданга эффектив нафас олишга ёрдам беради. Сув хона ҳароратидай бўлиши керак. Муздай сув билан ювиниш эса тана ҳарорати кескин ўзгариши натижасида пневмония касаллигига олиб келади.
Албатта, очиқ сув ҳавзаларда чўмилиш мумкин, аммо чўмилиш тақиқланган ҳавзаларда чўмилиш қатъиян ман этилади.
Эрталаб ва кечқурун кўпроқ ҳаракат қилинг. Бундай иссиқ кунда камҳаракатлилик гипертония, юрак-томир касалликлари ва тромбоз ривожланишига олиб келади.
Озиқланиш рационини ўзгартиринг. Иссиқ кунда кўпроқ совуқ таомлар истеъмол қилинг. Ёғлиқ сут ва гўшт маҳсулотлар истеъмол қилманг, аммо балиқ ва сабзавотли маҳсулотлардан воз кечманг. Расталарда қуёш нури тушиб турган ҳамда истеъмолга яроқлик муддати ўтиб кетган маҳсулотларни сотиб олманг.
Албатта, таомларни туз билан тановул қилинг, чунки юқори ҳароратда, тананинг терлаши натижасида кўп миқдорда натрий моддаси йўқотилади.
Синтетик матодан тайёрланган кийимлар киймасликга ҳаракат қилинг.
Кепка, шляпа ёки панамалар кийишдан уялманг. Чунки офтоб ўриши асосан бош қизиганда содир бўлади.
Бундай иссиқ кунда, кондиционерсиз иложи йўқ. Аммо куни бўйи кондиционери бор бўлган хонада бўлсангиз ҳам, шундай жойлашингки ундан чиқаётган совуқ ҳаво тўғридан-тўғри сизга таъсир қилмасин.
