Каттақўрғонда 4 млрд. сўмга янги боғча қурилди
Каттақўрғон туманидаги 20-давлат мактабгача таълим ташкилоти капитал реконструкция қилиниб, фойдаланишга топширилди.
120 ўринли 2 қаватдан иборат боғча қурилишига Мактабгача таълим вазирлиги томонидан 4 млрд. сўм маблағ ажратилди.
- Аввалги боғча биноси 1969 йилда қурилган бўлиб, анча эскириб қолган эди, - деди 20-ДМТТ директори Манзура Ибрагимова. – Мана бугун болажонлар учун замонавий шарт-шароитларга эга боғча очилди. Боғчамизда инглиз тили, бокс тўгараклари мавжуд. Шунингдек, боғчада спортзал, овқатланиш хонаси, машғулотлар хонаси бўлиб, 120 нафар болага 10 нафар тарбиячи хизмат қилади.
