Kattaqo‘rg‘onda 4 mlrd. so‘mga yangi bog‘cha qurildi
Kattaqo‘rg‘on tumanidagi 20-davlat maktabgacha ta’lim tashkiloti kapital rekonstruksiya qilinib, foydalanishga topshirildi.
120 o‘rinli 2 qavatdan iborat bog‘cha qurilishiga Maktabgacha ta’lim vazirligi tomonidan 4 mlrd. so‘m mablag‘ ajratildi.
- Avvalgi bog‘cha binosi 1969 yilda qurilgan bo‘lib, ancha eskirib qolgan edi, - dedi 20-DMTT direktori Manzura Ibragimova. – Mana bugun bolajonlar uchun zamonaviy shart-sharoitlarga ega bog‘cha ochildi. Bog‘chamizda ingliz tili, boks to‘garaklari mavjud. Shuningdek, bog‘chada sportzal, ovqatlanish xonasi, mashg‘ulotlar xonasi bo‘lib, 120 nafar bolaga 10 nafar tarbiyachi xizmat qiladi.
