Комил Алламжонов ва Саида Мирзиёева BBC Ўзбек хизматига видеотабрик йўллади

Нуфузли BBC телерадиокорпорациясининг ўзбек хизмати ўзининг 25 йиллигини нишонламоқда.

Холислик ва аниқлик принциплари асосида ишлайдиган ушбу хизмат жамоасини Ўзбекистон расмийлари, жумладан, Ўзбекистон Республикаси Президенти ҳузуридаги Ахборот ва оммавий коммуникациялар агентлиги раҳбари Комил Алламжонов ва агентлик директори ўринбосари Саида Мирзиёева самимий табриклаган.

BBC ўзбек хизмати гарчи Ўзбекистондаги жараёнларга танқидий ёндашса-да, ижобий ўзгаришларга ҳам холисона ёндашиб келади.

Хизмат, масалан, янги Ўзбекистоннинг президенти Шавкат Мирзиёев ўзи қудратга келган қисқа вақтнинг ичида жаҳоннинг айрим нуфузли нашрлари томонидан, ҳаттоки, Хитойнинг ислоҳотчи лидери Дэн Сяопинга қиёсланганини алоҳида қайд этган.

Эътироф этилганидек, Ўзбекистон лидери қўл ураётган ислоҳотлари билан аллақачон дунёнинг демократия дарғаси сифатида эътироф этилувчи АҚШ ва унинг президенти томонидан олқишланаётган давлат раҳбари бўлди.

BBC Ўзбек хизматига омад тилаймиз.