Маҳалла раислигига кимлар сайланиши мумкин?

Қонунчиликка кўра,  фуқаролар йиғини раиси (оқсоқоли) лавозимига номзод, аввало, Ўзбекистон фуқароси бўлиши, қоида тариқасида, олий маълумотга эга бўлиши керак.

Шунингдек, бевосита сайловга қадар камида 5 йил тегишли ҳудудда доимий яшаётган бўлиши ҳамда ташкилотчилик қобилиятига, давлат органларида ёки нодавлат нотижорат ташкилотларида ёхуд тадбиркорлик, бошқа хўжалик фаолияти соҳасида иш, ҳаётий тажрибага ва аҳоли ўртасида обрў-эътиборга эга бўлиши лозим.

Қуйидагилар номзод этиб кўрсатилиши мумкин эмас:

- суд томонидан муомалага лаёқатсиз деб топилган шахслар;

- оғир ёхуд ўта оғир жиноятларни содир этганлик учун судланганлик ҳолати тугалланмаган ёки судланганлиги олиб ташланмаган шахслар;

- суднинг ҳукми билан озодликдан маҳрум этиш жойларида сақланаётган шахслар;

- ҳақиқий ҳарбий хизматдаги шахслар;

- диний ташкилотларнинг профессионал хизматчилари.