Мушукни ўлимдан қутқарган қарға

Перунинг Лима шаҳрида жойлашган кўпқаватли уй томида ўрнатилган кузатув камераси объективига икки ҳайвон ўртасидаги ҳамдардликнинг ажойиб лаҳзалари тушиб қолди.

Бетон юзасида озиб кетган мошранг мушук ётарди. У шу қадар заиф ва озғин эдики, ҳатто қимирлашга ҳоли йўқ эди.Эрталаб соат саккизлар атрофида тумшуғида бир парча нон билан бир қарға келиб қўнди. Қуш уни ўзи ейиш ўрнига эҳтиёткорлик билан нонни мушукнинг олдига қўйди ва бир четга ўтиб, унга овқатланишга рухсат берди. Кун давомида қарға яна ва яна қайтиб келди ва ҳар сафар егулик олиб келиб, мушук овқатланаётган пайтда сабр билан уни кутди.

Эртаси куни қўшни уй эгаси яна томдаги мушук ва унинг ёнига келган ўша қарғани кўриб қолди. Бундай мулоқот унга гўё улар ўртасида сокин ва ўзига хос ришта пайдо бўлгандек ғамхўрлик ва беихтиёр меҳр ифодасидек туюлди.

Кейинчалик мушук даволаниш ва тикланиш учун клиникага олиб борилди. Шунга қарамай, қарға ўзининг нимжон дўстидани хабар олиш учун ҳар куни эрталаб тумшуғида озиқ-овқат билан учиб келишда давом этди.

Ноёб ва таъсирли воқеа одамларга раҳм-шафқат энг кутилмаган жойларда, ҳатто ҳайвонот оламида ҳам намоён бўлиши мумкинлиги ҳақида эслатаётган бўлса ажабмас.

Баҳора Муҳаммадиева тайёрлади.