ННТ фаолиятига қонунга хилоф равишда аралашганлик учун жавобгарлик белгиланди
Жорий йил 21 август куни "Ўзбекистон Республикасининг айрим Қонун ҳужжатларига қўшимча ва ўзгартиришлар киритиш тўғрисида"ги Ўзбекистон Республикаси қонуни қабул қилинди.
Ушбу қонун нодавлат нотижорат ташкилотларининг жамиятдаги ўрнини янада мустаҳкамлади, десам муболаға бўлмайди. Чунки бу қонун билан нодавлат нотижорат ташкилотларига бир қанча имкониятлар ва вазифалар берилди. Жумладан, нодавлат нотижорат ташкилотларининг фаолиятига қонунга хилоф равишда аралашганлик ва жамоатчилик назоратини амалга ошириш натижалари бўйича тайёрланган якуний ҳужжатни кўриб чиқмаганлик учун ҳам жавобгарлик белгиланиши, албатта, нодавлат нотижорат ташкилотларининг мавқеини ошириш билан бирга давлат ва нодавлат нотижорат ташкилотлари ўртасида ижтимоий шерикликни янада жадаллашишига туртки беради.
Хабарингиз бор, 2024 йил 26 августда қабул қилинган Ўзбекистон Республикаси Президентининг 124-ПФ-сонли фармонида ҳам давлат ташкилотларида ташкил қилинган жамоатчилик кенгашларига айнан нодавлат нотижорат ташкилотларининг раҳбарлик қилиши ҳам соҳавий давлат ташкилотлари билан ўзаро ҳамкорликнинг бошланиши бўлган бўлса, бу қонун эса ушбу жараёнларни мустаҳкамлаб қўйди, десам хато бўлмайди.
Шоим Кенжаев,
Ўзбекистон нодавлат нотижорат ташкилотлари миллий ассоциацияси вилоят ҳудудий бўлинмаси бошлиғи.
