NNT faoliyatiga qonunga xilof ravishda aralashganlik uchun javobgarlik belgilandi
Joriy yil 21 avgust kuni "O‘zbekiston Respublikasining ayrim Qonun hujjatlariga qo‘shimcha va o‘zgartirishlar kiritish to‘g‘risida"gi O‘zbekiston Respublikasi qonuni qabul qilindi.
Ushbu qonun nodavlat notijorat tashkilotlarining jamiyatdagi o‘rnini yanada mustahkamladi, desam mubolag‘a bo‘lmaydi. Chunki bu qonun bilan nodavlat notijorat tashkilotlariga bir qancha imkoniyatlar va vazifalar berildi. Jumladan, nodavlat notijorat tashkilotlarining faoliyatiga qonunga xilof ravishda aralashganlik va jamoatchilik nazoratini amalga oshirish natijalari bo‘yicha tayyorlangan yakuniy hujjatni ko‘rib chiqmaganlik uchun ham javobgarlik belgilanishi, albatta, nodavlat notijorat tashkilotlarining mavqeini oshirish bilan birga davlat va nodavlat notijorat tashkilotlari o‘rtasida ijtimoiy sheriklikni yanada jadallashishiga turtki beradi.
Xabaringiz bor, 2024 yil 26 avgustda qabul qilingan O‘zbekiston Respublikasi Prezidentining 124-PF-sonli farmonida ham davlat tashkilotlarida tashkil qilingan jamoatchilik kengashlariga aynan nodavlat notijorat tashkilotlarining rahbarlik qilishi ham sohaviy davlat tashkilotlari bilan o‘zaro hamkorlikning boshlanishi bo‘lgan bo‘lsa, bu qonun esa ushbu jarayonlarni mustahkamlab qo‘ydi, desam xato bo‘lmaydi.
Shoim Kenjayev,
O‘zbekiston nodavlat notijorat tashkilotlari milliy assotsiatsiyasi viloyat hududiy bo‘linmasi boshlig‘i.
