ОАВ: “Ким Чен Ин ваколатларининг бир қисмини синглисига топширди”
Шимолий Корея етакчиси Ким Чен Ин ўз ваколатларининг бир қисмини ёрдамчиларига топширди, шу жумладан синглиси Ё Чжонга ҳам. Бу ҳақда Yonhap газетаси, Жанубий Корея миллий разведкаси тақдим этган маълумотга таяниб хабар берди.
“КХДР раҳбари Ким Чен Ин илгаригидек ўзининг мутлоқ ҳокимиятини сақлаб қолмоқда, бироқ ҳокимият аста-секинлик билан топширилмоқда”, - деб ёзди Yonhap.
Маълум қилинишича, Шимолий Корея етакчисининг синглиси Ким Ё Чжон давлатнинг умумий ишларига раҳбарлик қилмоқда. У “КХДРнинг иккинчи рақамли раҳбари” сифатида кўрилмоқда, бироқ Ким Чен Ин ўзининг ўринбосарини ҳали расман эълон қилмаган. Агентлик тақдим этган маълумотга кўра, Ё Чжон ҳокимиятни катта қисмини қабул қилиб олган.
Шу билан бирга, иқтисодий соҳадаги ваколатнинг бир қисми вазирлар маҳкамаси раиси Ким Док Хун ва Давлат кенгаши раиси ўринбосари Пак Бон Дюларга топширилган.
