Ўзбек тилида сўзлашувчилар сони 60 миллион нафардан ортиқ
«Дунё» ахборот агентлиги маълумотига кўра, ҳозирда хорижий давлатлардаги 50 дан ортиқ ўқув юртида ўзбек тили ўргатилмоқда.
Дунёнинг энг кўп сўзлашувчи тил рейтинглари кўрсаткичлари бўйича ўзбек тили 54-ўринни эгаллайди. Бунга кўра, ўзбек тилида маҳаллий сўзлашувчилар сони 25 миллиондан ортиқ деб кўрсатилган.
Агарда ўзбек тили нуфузини нафақат миллий, балки халқаро миқёсда ошириш билан боғлиқ комплекс чора-тадбирлар ишлаб чиқилса ва буни амалга ошириш билан боғлиқ саъй-ҳаракатлар айнан тил байрами арафасида эмас, балки мунтазам тарзда олиб борилса, шунингдек умумий сўзлашувчилар сонини ҳисобга олиб тахмин қилиш мумкинки, Ўзбек тили жаҳон рейтинги бўйича "Топ-30" талик ўринларга даъвогарлик қила олади.
