Ўзбекистонда Малайзия технологиялари асосида креветка етиштириш йўлга қўйилмоқда

Ушбу масала Ўзбекистон ва Малайзия қишлоқ хўжалиги вазирликлари масъуллари иштирокида муҳокама қилинган.

Вазирлик хабарига кўра, музокаралар давомида мамлакатимизда креветка етиштиришни йўлга қўйиш бўйича муҳим келишувларга эришилган.

Бир қатор вилоятларда Малайзиянинг йирик компанияларидан бири — “Маркет Бой” билан ҳамкорликда креветка етиштириш лойиҳаси амалга оширилади. Ушбу лойиҳа Малайзиянинг илғор технологиялари асосида йўлга қўйилиб, республикамизда аквакултура ривожига хизмат қилади.

Ушбу креветкалар Малайзиянинг халқаро даражадаги ҳалол сертификати билан таъминланади. Бу эса маҳаллий ва хорижий бозорларга чиқиш имкониятини оширади. Ҳалол озиқ-овқат маҳсулотларига бўлган талаб юқори эканини инобатга олсак, бу лойиҳа Ўзбекистоннинг экспорт салоҳиятини ҳам кенгайтириши мумкин.