Ўзбекистонда “Яндекс.Такси”нинг рақобат нормаларига мослиги текширилади
Ўзбекистон Рақобатни ривожлантириш ва истеъмолчилар ҳуқуқларини ҳимоя қилиш қўмитаси “Яндекс.Такси” такси хизмати агрегатори ишида мамлакатда ушбу хизматлар бозорида устунлик белгилари мавжудлигини текширади, деб хабар берди департамент матбуот хизмати.
2022 йил октябрь ойида Қўмита такси хизматлари агрегатор бозорини тўлиқ таҳлил қилишни бошлади. 2023 йил февраль ойида "Яндекс Go" хизмати асосчилари – Yandex N.V. (Нидерландия), Yandex Europe AG (Швейцария) ва Ridetech International B.V. (Нидерландия)га сўровлар юборилган.
Қўмита Ўзбекистонда “Яндекс” юридик шахсининг йўқлиги компания фаолиятини монополияга қарши тартибга солишда муайян қийинчиликлар туғдираётганига эътибор қаратади.
“Таҳлил натижалари қўмита томонидан оммавий ахборот воситалари орқали қўшимча равишда эълон қилинади”, — дея қўшимча қилади матбуот хизмати.
"Яндекс Go" вакилининг тушунтиришича, бундай сўровлар турли мамлакатлар давлат идоралари томонидан ўтказиладиган халқаро амалиёт ҳисобланади. "Кўриб чиқилаётган сўров Ўзбекистон монополияга қарши департаменти томонидан такси хизматлари агрегатор бозорини таҳлил қилиш доирасида юборилган. Биз қўмита билан алоқадамиз ва ҳамкорликка тайёрмиз, жавобларни ўз вақтида ва тўлиқ ҳажмда берамиз", - дейилади хабарда.
2022 йил апрель ойида Ўзбекистон Ахборот технологиялари ва коммуникацияларини ривожлантириш вазирлиги "Яндекс.Такси"га Тошкентдаги IT-паркнинг резиденти бўлишни таклиф қилган эди.
“Яндекс.Такси” Ўзбекистонда 2018 йилнинг апрель ойидан бошлаб ишламоқда. Мамлакатимизда хизмат айни пайтда Тошкент ва яна бешта шаҳар - Самарқанд, Фарғона, Марғилон, Наманган ва Андижонда мавжуд.
