Кира қилиш учун лицензия варақасини my.gov.uz дан олса бўлади

Енгил автомобилда йўловчи ташиш лицензия варақасини олишнинг янги тартиби жорий қилинди.

Ҳайдовчи Ягона интерактив давлат хизматлари портали (my.gov.uz) орқали масофадан ёки Давлат солиқ инспекцияси ҳудудий бўлимига борган ҳолда ўзини ўзи банд қилган шахс сифатида рўйхатдан ўтиши лозим.

Рўйхатдан ўтиш ва гувоҳнома олиш бепул.

Ҳайдовчи my.gov.uz орқали ёки ДХМга келган ҳолда енгил автомобилда йўловчи ташиш лицензия варақасини олиш учун 1 йилга 300 минг сўм давлат божи тўлаши лозим.

My.gov.uz орқали мурожаат қилинганда 10 фоиз чегирма қўлланилади, яъни 270 минг сўм жорий тўланади.