Transport vaziri Ilhom Mahkamov: "Viloyatdan kelgan taksichilar Toshkentda kirakashlik qilishlari mumkin"
Xalq demokratik partiyasi taksichilik faoliyati bo‘yicha Konstitutsiyaga zid bo‘lgan tartibni bekor qilish tashabbusi bilan chiqib, partiya fraksiyasi Transport vazirini Oliy Majlisga chaqirtirgan edi.
Vazirning ma’lum qilishicha, viloyatdan kelgan taksichilar Toshkentda kirakashlik qilishlari mumkin. Buning uchun litsenziya olish kerak va faoliyat manzili sifatida Toshkentni ko‘rsatishi kerak bo‘ladi.
Viloyatlararo litsenziyaga ega taksichilar Toshkentda taksi qila olmaydi. Litsenziya faqat bitta hududga beriladi.
"Ular bir vaqtning o‘zida ham viloyatda, ham poytaxtda taksichilik faoliyati bilan shug‘ullana olmaydi", deydi vazir.
