Past Darg‘omda yoshlar festivali o‘tkazilmoqda

“Yangi O‘zbekiston yoshlari, birlashaylik!” shiori ostidagi festival "Sog‘lom hayot uchun besh ming qadam"  shiori ostida yurish marafoni bilan boshlandi.

Tuman markazidagi yoshlar istirohat bog‘ida qator ko‘ngilochar, madaniy-ma’rifiy tadbirlar o‘tkazildi.
- Tasviriy san’at yo‘nalishida o‘qiyman, - deydi  23-son bolalar musiqa va san’at maktabining 5-sinf o‘quvchisi Sanobar Xo‘jaqulova. - Joriy yilning aprel oyida Rossiyaning Yalta shahrida o‘tkazilgan tasviriy san’at yo‘nalishida "Art-Qrim" xalqaro tanlovida ishtirok etib birinchi o‘rinni egalladim. 11 yoshimdan rasm chizib kelaman. Ustozim Gulnoza Amirovadan rasm   chizish sirlarini o‘rganib kelyapman.
Bugungi festivalda rasm chizishga qiziqqan havaskor yoshlarga tasviriy san’at bo‘yicha mahoratimni namoyish etyapman.