Пахтачида ўзбошимчалик билан олтин қазиб олаётган 3 нафар фуқаро тош остида қолди

Кеча, 17 сентябрь куни соат тахминан 18:30 ларда 3 нафар фуқарони Пахтачи туманида жойлашган, давлат захирасида бўлган “Қорақўтон” тоғ ҳудудидаги шахтада олтин моддасини ўзбошимчалик билан қазиш ишларини олиб бораётганида тоғ тоши босиб қолган. Оқибатда 2 нафар фуқаро воқеа жойида вафот этган, 1 нафар фуқаро эса тан жароҳатлари билан туман тиббиёт бирлашмасига ётқизилган.

Бош прокуратура хабарига кўра, мазкур ҳолат юзасидан туман прокуратураси томонидан терговга қадар текширув ҳаракатлари ўтказилмоқда.