Пахтачида "олтин орзуси"даги уддабуронлар қўлга олинди
Жорий йилнинг 7 май куни Миллий гвардия Самарқанд вилояти қўриқлаш бошқармаси 11-алоҳида отряди ва Пахтачи тумани ички ишлар бўлими ходимлари ҳамкорлигида тезкор тадбир ўтказилди.
Миллий гвардия қўриқлаш хизматининг маълум қилишича, "Қорақўтан" кони 112-сонли очиқ карьер тушиб текширилганда, 39 га яқин фуқаролар томонидан 200 та полиэтелин қопларга жойланган 6 тонна 610 килограмм, таркибида олтин моддаси бўлиши мумкин бўлган тошлар ҳамда 10 та турли русумдаги автомашиналар, 9 дона электр узатгич, 10 дона перифаратор каби асбоблар далилий ашё сифатида олиниб, Пахтачи тумани ички ишлар бўлимига топширилган.
Ҳозирда мазкур ҳолат юзасидан терговга қадар суриштирув ишлари олиб борилмоқда.
