Qo‘shrabot bozorida kiyim-kechaklarni o‘g‘irlayotgan shaxs ushlandi

Bulung‘ur tumani Nebo‘sa MFY yashovchi, 1981 yilda tug‘ilgan A. o‘zganing mol-mulkini yashirin ravishda talon-toroj qilish maqsadida Qo‘shrabot tumani Qo‘rolos MFY hududida joylashgan “Qo‘shrabot dehqon bozori” hududidagi, fuqaro S.ga tegishli bo‘lgan bozor rastasidan bolalar kiyim-kechaklarini yashirin ravishda talon-toroj qilgan.

Shuningdek, A. ushbu bozorda takroran fuqaro B.ga tegishli bo‘lgan rastada turgan ayollar kiyim-kechaklarini yashirin ravishda talon-toroj qilayotgan vaqtida IIB xodimlari tomonidan qo‘lga olingan.

Mazkur holat yuzasidan tuman IIB huzuridagi tergov bo‘limi tomonidan Jinoyat kodeksining 169-moddasi 3-qismi “a” bandi bilan jinoyat ishi qo‘zg‘atildi.
Samarqand viloyati IIB axborot xizmati xabariga ko‘ra, hozirda tergov harakatlari olib borilmoqda.