Қўшработдаги "Саломатлик сайли"да 15 га яқин юқори технологик жарроҳлик амалиёти бажарилди

Қўшработ туманида ташкил этилган “Саломатлик сайли”да туман аҳолиси учун тор соҳа мутахассислари иштирокида чуқурлаштирилган тиббий кўриклар, соғлом турмуш тарзини тадбиқ этиш бўйича тарғибот тадбирлари ва юқори технологик жарроҳлик амалиётлари бажарилди.

Унда вилоят ва Республика ихтисослаштирилган тиббиёт муассасаларининг Самарқанд филиалларида фаолият юритаётган малакали тиббиёт ходимларидан ташкил топган 20 турдаги тор соҳа мутахассислари ҳамда офтальмолог, ЭХО кардиограмма ва УЗИ аппаратлари жамланган мобил автобуслар жалб қилинди.

Шунингдек, туман марказий шифохонасида 15 га яқин травматологик, гинекологик ва қорин бўшлиғи аъзоларида юқори технологик жарроҳлик амалиётлари бажарилди, дея хабар бермоқда вилоят соғлиқни сақлаш бошқармаси матбуот хизмати.