Россиянинг Киевга зарбаси: кўп қаватли уйлар вайрон, камида 15 киши ҳалок бўлди

28 августга ўтар кечаси Россия Киевга зарба берувчи дронлар ва ракеталар билан ҳужум қилди.

Оқибатда кўп қаватли турар-жой биноларига зарар етган. Ҳозирча 15 нафар (3 нафар бола) ҳалок бўлганлар аниқланган, ўнлаб одамлар жароҳат олган.
Россия Мудофаа вазирлиги эълон қилган баёнотда айтилишича, «гуруҳли зарба Украина ҳарбий-саноат комплекси корхоналари ва ҳарбий ҳаво базаларига йўналтирилган».
«Ҳужум мақсадлари бажарилди, белгиланган объектларнинг барчасига зарба берилди», — дейилади вазирлик тарқатган хабарда. (https://t.me/meduzalive/131398)