Самарқанддан яна 230 киши муқаддас Ҳаж зиёрати учун Саудия Арабистонига кетди
Бугун эрта тонгдан вилоятимиздан муқаддас Ҳаж зиёратига отланган бўлажак ҳожиларнинг 230 кишидан иборат иккинчи гуруҳи “Самарқанд” халқаро аэропорти орқали Саудия Арабистонининг Мадина шаҳрига йўл олди.
Муқаддас Макка ва Мадинани зиёрат қилиш орзусида бўлган ҳожиларни вилоят, туман (шаҳар) ҳокимлиги мутасаддилари ҳамда Ўзбекистон мусулмонлари идораси вилоят вакиллиги ходимлари ҳурмат-эҳтиром билан кузатиб қўйди.
Аввал хабар қилганимиздек, шу ойнинг 26 июль куни муқаддас фарз амалини адо этиш учун кетган 229 нафар ҳожиларнинг дастлабки гуруҳи ҳамда бугун йўлга чиққан зиёратчилар жорий йилнинг 23 ва 26 август кунлари Самарқанд халқаро аэропортида кутиб олинади.
