Суриянинг шимолий-шарқида номаълум шахслар касалхона биносини портлатди
Суриянинг шимолий-шарқида жойлашган Хасеке вилоятида касалхона биноси масофадан бошқариш ускунаси ёрдамида портлатилиши оқибатида қулаб тушди. Бу ҳақда al–Watan расмий газетаси хабар берди, деб ёзади Рамблер.
- “ас–Салам” хусусий касалхона биноси Хасеке шаҳридан жанубда жойлашган аш–Шайх Хамд қишлоғида қулаб тушди”, дейилади хабарда. - Номаълум шахслар бинони бир нечта портлаш ускуналари ёрдамида портлатишди.
Газета берган маълумотларга кўра, бунинг оқибатида фақат моддий зарар етказилган, қурбонлар ҳақида хабар берилмаган.
