Suriyaning shimoliy-sharqida noma’lum shaxslar kasalxona binosini portlatdi
Suriyaning shimoliy-sharqida joylashgan Xaseke viloyatida kasalxona binosi masofadan boshqarish uskunasi yordamida portlatilishi oqibatida qulab tushdi. Bu haqda al–Watan rasmiy gazetasi xabar berdi, deb yozadi Rambler.
- “as–Salam” xususiy kasalxona binosi Xaseke shahridan janubda joylashgan ash–Shayx Xamd qishlog‘ida qulab tushdi”, deyiladi xabarda. - Noma’lum shaxslar binoni bir nechta portlash uskunalari yordamida portlatishdi.
Gazeta bergan ma’lumotlarga ko‘ra, buning oqibatida faqat moddiy zarar yetkazilgan, qurbonlar haqida xabar berilmagan.
