Suriyaning Aleppo aeroporti Isroil hujumi tufayli faoliyatini to‘xtatdi
Aleppo xalqaro aeroporti Isroil havo hujumi natijasida o‘z faoliyatini to‘xtatdi, deb xabar tarqatdi Suriya Mudofaa vazirligi.
Avvalroq Suriya davlat televideniyesi Aleppo xalqaro aeroporti yaqinida Isroil hujumi sodir etilgani haqida xabar bergan edi.
"Bugun soat 02:07 da Isroil dushmani O‘rtayer dengizidan Latakiya g‘arbida havo hujumini amalga oshirib, Aleppo xalqaro aeroportiga zarba berdi. Natijada aeroport shikastlangan va ishdan chiqqan", deyilgan bayonotda.
