Тошкент давлат юридик университетига ректор тайинланди
Олий Мажлиc Қонунчилик палатаси депутати Раҳимжон Ҳакимов Тошкент давлат юридик университети ректори этиб тайинланди. Бу ҳақда “Халқ сўзи“ нашри маълум қилди.
Шу кунгача Ҳакимов депутатлик билан бирга Олий Мажлис ҳузуридаги Қонунчилик муаммолари ва парламент тадқиқотлари институти директори сифатида ишлаб келаётганди.
Маълумот учун, мазкур институт Президент Шавкат Мирзиёев таклифи билан тузилган ва Олий Мажлис Сенати ва Қонунчилик палатаси қўшма қарори билан ташкил этилганди. 2018 йилнинг 12 январь куни Қонунчилик муаммолари ва парламент тадқиқотлари институти ўз фаолиятини бошлаган ва унга Раҳимжон Ҳакимов раҳбарлик қилиб келаётганди.
Тошкент давлат юридик университет ректори айни пайтда адлия вазири ўринбосари сифатида ҳам фаолият юритади.
