Трамп Путин билан вақтинчалик ўт очишни тўхтатиш бўйича келишиб олди
Трамп Путин билан Украинанинг энергетика ва инфратузилмасига ҳужумларни зудлик билан тўхтатиш (лекин тўлиқ ўт очишни тўхтатиш эмас) бўйича келишувга эришган.
АҚШ президенти Доналд Трамп TruthSocial ижтимоий тармоғида Владимир Путин билан суҳбатига изоҳ бериб, суҳбатни “жуда яхши ва самарали” деб атади.
«Россия президенти Путин билан бугунги телефон суҳбатим жуда яхши ва самарали бўлди. Биз тўлиқ ўт очишни тўхтатиш ва охир-оқибатда Россия ва Украина ўртасидаги даҳшатли урушни тугатиш учун тез ҳаракат қилишимизни англаган ҳолда барча энергетика ва инфратузилма бўйича зудлик билан ўт очишни тўхтатишга келишдик”, деб ёзган у.
Трамп тинчлик келишувининг “кўплаб элементлари” муҳокама қилингани, жумладан, минглаб аскарлар ҳалок бўлаётгани ва президент Путин ҳам, президент Зеленский ҳам бунинг тугашини хоҳлашини қўшимча қилди. “Ҳозир бу жараён қизғин паллада ва умид қиламанки, инсоният манфаати учун биз буни уддалаймиз”, — деди Трамп баёнотида.
