Украинада тинчликдан умид бор: Зеленский, Европа мамлакатлари етакчилари ва Дональд Трампнинг онлайн саммити бўлиб ўтди
Кеча Украина президенти Владимир Зеленский ва Европа етакчилари Дональд Трамп билан онлайн учрашув ўтказди.
Европа бу учрашув АҚШ ва Россия президентларининг Аляскада бўлажак музокараларини қисман мувозанатлашига умид қилмоқда.
Ўтган ҳафтада Трамп 2021 йилдан бери биринчи марта АҚШ-Россия саммитига розилик берди ва унинг махсус вакили Стив Уиткофф Москвадаги музокараларда «сезиларли ютуқлар»га эришганини маълум қилди. Уиткофф 6 август куни Путин билан учрашди, бу АҚШнинг Украинадаги ўт очишни тўхтатиш бўйича ультиматуми муддати тугашидан бир неча кун олдин бўлди.
Эслатиб ўтамиз, эртага, 15 август куни Трамп Путинни Аляскадаги энг йирик шаҳар — аҳолиси тахминан 300 минг кишидан иборат Анкориджда қабул қилади. АҚШ президентининг айтишича, бу Украинадаги урушни тўхтатиш йўлидаги саъй-ҳаракатлари доирасидаги «синов» учрашуви бўлади.
Европада бу учрашувнинг натижалари олдиндан айтилмаслиги ва АҚШ ҳамда Россия етакчилари Украинага бефойда шартларга рози бўлишга мажбур қиладиган, жиддий оқибатларга олиб келиши мумкин бўлган қарорлар қабул қилиши мумкинлигидан хавотирда.
Шундай қилиб, кеча Президент Зеленский онлайн-саммитда иштирок этиш учун Берлинга борган. Зеленскийдан ташқари, саммитда Германия, Финландия, Франция, Буюк Британия, Италия, Польша ва Европа Иттифоқи етакчилари, шунингдек, НАТО бош котиби Марк Рютте иштирок этган.
Трамп Зеленский ва Европа етакчилари билан суҳбатга юқори баҳо берди. Ўз навбатида европаликлар Трамп билан бўлган суҳбат ҳақида ижобий фикр билдирди:
«Украинада тинчликдан умид бор». Зеленский ҳам Аляскада Украинада ўт очишни тўхтатиш масаласи асосий мавзуга айланишига умид қилмоқда. Трампнинг айтишича, агар Путин урушни тўхтатишга рози бўлмаса, Россияни «жуда жиддий оқибатлар» кутмоқда. У Путин билан ҳудуд масаласини муҳокама қилмасликка ваъда берди. Ваҳоланки, аввалроқ «Россия ва Украина ўртасидаги келишув маълум ҳудудлар алмашувини назарда тутиши мумкинлиги ва бу Украина учун ҳам ижобий, ҳам салбий жиҳатларга эга бўлиши мумкинлигини айтган эди.
Зеленский ўз навбатида, Киев шарқдан қўшинларни олиб чиқишни талаб қиладиган келишувга рози бўла олмаслигини билдиради. Унинг айтишича, бу Украинани минтақадаги кенг ҳимоя чизиғидан маҳрум қилади ва Россияга келажакда мамлакат ичига чуқурроқ кириб бориш имкониятини осонлаштиради. Ҳудуд масалалари фақат ўт очиш тўхтаса ва Украина хавфсизлик кафолатларини олгандан сўнг муҳокама қилиниши мумкин", дейди у.
Сўнгги хабарларга кўра, АҚШ келаси ҳафта охирида Трамп, Путин ва Зеленскийнинг уч томонлама учрашуви учун жой қидирмоқда.
