Халқаро космик станция экипажини биринчи марта европалик аёл бошқаради

Италиялик астронавт Саманта Кристофоретти Халқаро космик станцияга йўл олган экипажни бошқарадиган биринчи аёл бўлади. Бу ҳақда аёлларни фаол астронавт бўлишга ундовчи Европа космик агентлиги хабар берди.

Кристофоретти билан АҚШ Миллий аэронавтика ва космик маъмуриятининг астронавтлари Кьелл Линдгрен ва Боб Ханес Халқаро космик станцияга учишади.

SpaceX экипажи томонидан бошқариладиган Crem Dragon экипажининг учирилиши 2022 йилда АҚШнинг Флорида штатидаги Канаверал учириш майдонидан бўлиб ўтади.

Eвропа космик агентлиги ўз баёнотида таъкидлаганидек, аввалги миссиялар давомида у юқори малакали мутахассис эканлиги ва етакчилик фазилатлари туфайли экипаж ишончини қозонган.