Хориждан 1000 нафарга яқин ҳамюртларимиз чартер рейслар орқали олиб келинди
Ўзбекистон фуқароларини ватанга қайтариш учун чартер рейслар ташкил қилинди, деб хабар бермоқда Ўзбекистон Республикаси ТИВ матбуот хизмати.
Ўзбекистон Республикаси Президенти Шавкат Мирзиёевнинг топшириғига биноан 2020 йил 8-10 май кунлари Дубай, Минск, Сеул ва Деҳли шаҳарларидан 800 дан ортиқ ҳамюртларимиз чартер рейслар орқали ватанимизга олиб келинди.
11 май куни Франкфурт шаҳридан чартер рейс орқали 168 нафар юртдошимизнинг келиши кутилмоқда.
Республика махсус комиссияси томонидан ҳамюртларимизни бошқа давлатлардан ватанга қайтариш учун авиарейслар ташкил этиш бўйича иш олиб борилмоқда.
Эслатиб ўтамиз, Ўзбекистон фуқаролари қайтиб келгандан кейин Республика махсус комиссияси томонидан белгиланган талабларга қатъий риоя қилган ҳолда 14 кунлик карантинга жойлаштирилади.
