Японияда етти йил ичида биринчи марта электр энергиясини тежаш режими жорий этилди
Япония ҳукумати уй хўжаликлари ва корхоналарни ёзда истеъмолни оқилона қисқартиришга чақириб, энергия тежаш режимини жорий қилди.
Бунинг сабаби, ғайритабиий жазирама сабаб, мамлакатнинг деярли барча ҳудудларида энергия захираси коэффициенти бор-йўғи 3,7 фоиз (танг ҳолат - 3 фоиз) ни ташкил қилмоқда.
Мамлакатда ғайритабиий иссиқ душанба кунидан бошланди. Шу кунларда бир қатор ҳудудларда рекорд - 40 даражагача ҳарорат қайд этилди. Элетр тармоқлари юкланишга аранг дош беряпти. Ҳукумат ҳисоб-китобига кўра, агар ёз шундай давом этса, Токио, Шимолий Хонсью ва бошқа ҳудудларни электр энергияси билан таъминлашда қийинчиликларга дуч келади.
Шунингдек, энергия ресурслари нархининг ошиши – “тоза” энергия турига ўтиш йўлида иссиқлик электр станциялари қисқариши ҳам электр энергияси таъминоти барқарорлигида муаммолар келтирмоқда.
