Yaponiyada yetti yil ichida birinchi marta elektr energiyasini tejash rejimi joriy etildi

Yaponiya hukumati uy xo‘jaliklari va korxonalarni yozda iste’molni oqilona qisqartirishga chaqirib, energiya tejash rejimini joriy qildi.

Buning sababi, g‘ayritabiiy jazirama sabab, mamlakatning deyarli barcha hududlarida energiya zaxirasi koeffitsiyenti bor-yo‘g‘i 3,7 foiz (tang holat - 3 foiz) ni tashkil qilmoqda.

Mamlakatda g‘ayritabiiy issiq dushanba kunidan boshlandi. Shu kunlarda bir qator hududlarda rekord - 40 darajagacha harorat qayd etildi. Eletr tarmoqlari yuklanishga arang dosh beryapti. Hukumat hisob-kitobiga ko‘ra, agar yoz shunday davom etsa, Tokio, Shimoliy Xonsyu va boshqa hududlarni elektr energiyasi bilan ta’minlashda qiyinchiliklarga duch keladi.

Shuningdek, energiya resurslari narxining oshishi – “toza” energiya turiga o‘tish yo‘lida issiqlik elektr stansiyalari qisqarishi ham elektr energiyasi ta’minoti barqarorligida muammolar keltirmoqda.