Yaponiya Imperatori Abdulaziz Komilovni oliy darajadagi orden bilan mukofotladi
Yaponiya Imperatori Naruxito O‘zbekiston Respublikasi Prezidentining tashqi siyosat masalalari bo‘yicha maxsus vakili Abdulaziz Komilovni “Chiqayotgan quyosh katta kordon” ordeni bilan mukofotladi. Mukofot A.Komilovga Imperatorning Tokiodagi qarorgohida tantanali tarzda topshirilgan.
“Chiqayotgan quyosh katta kordon” ordeni - Yaponiyaning eng qadimiy mukofotlaridan biri hisoblanib, A.Komilovga davlatlarimiz o‘rtasidagi do‘stona munosabatlarni mustahkamlashga qo‘shgan ko‘p yillik hissasi uchun berildi.
Ordenni Yaponiya imperatori Naruxito bosh vazir Fumio Kishido ishtirokida topshirdi. Orden Yaponiyadagi eng qadimgi (1875 yildan beri beriladi) va mamlakatning eng oliy mukofoti hisoblanadi.
