Zarnews.uz'га мурожаат: Номсиз, қишда лой, ёзда чанг кўчаларда яшаяпмиз
Қарийб тўрт минг йиллик тарихга эга Самарқанд шаҳрида амалга оширилаётган бунёдкорлик, ободонлаштириш ишлари қалбимизни ғурурга тўлдиради. Бир-биридан кўркам ва чиройли маданий-маиший иншооотлар, тураржой бинолари, аҳоли яшаш масканлари шаҳарнинг кўркига кўрк қўшмоқда.
Биргина, жорий йил охиригача вилоятда 340 километр таъмирланиши режалаштирилаётган ободонлаштириш ишларининг кенг қамров олаётганидан далолат.
Аммо ҳалигача ҳокимликлар, соҳа раҳбарларининг эътиборидан четда қолаётган масканлар бор. Шулардан бири яқинда Самарқанд шаҳри таркибига киритилган Қуйи арабхона маҳалласидир. Маҳалланинг Суғдиёна масканидан Тонг кўчасигача бўлган ички йўллари ҳануз қишда лой, ёзда тизза бўйи чангга ботиб ётибди.
Ўтган йили Самарқанд тумани ҳокимига маҳалланинг ички йўлини таъмирлашни сўраб қилган мурожаатимизга жавобан “Обод маҳалла” давлат дастурига киритилган, йил охирига қадар кўчалар таъмирланади”, дея билдирилган хат олгандик. Шаҳар таркибига киритилганимиздан кийин ҳам натижадан дарак йўқ.
Ажабланарлиси, 20 йилдирки, номсиз кўчада истиқомат қилиб келяпмиз. Географик объектларни номлаш ва қайта номлаш масалалари бўйича тегишли комиссияларига Қуйи арабхона маҳалласининг биз истиқомат қилаётган кўчасига Янги Ўзбекистонга мос, фаровон турмушимизни акс эттирувчи ном қўйиш масаласида қилган мурожаатларимизга ҳам амалий ёрдам берилса, мақсадга мувофиқ бўлармиди?
Қуйи арабхона маҳалласининг бир гуруҳ фуқаролари.
