10 метрлик питон ҳамласига учраган одам омон қолди

Филиппинлик одам улкан илон ҳужумидан кейин мўъжизавий тарзда қутулиб қолди.

Британиянинг Daily Star нашрига кўра, воқеа Филиппинда маҳаллий аҳолидан бири мотоцикл миниб кетаётганида содир бўлган. Кутилмаганда 10 метрлик питон йўлга судралиб чиққан. Эркак илонга йўл бермоқчи бўлган, бироқ питон унга ҳужум қилган. Улкан судралиб юрувчи унинг билагини тишлаб, танасига ҳалқадек ўралиб олган.

Ўзини йўқотаётиб эркак илонни қаттиқ тишлаган ва омон қолган. Питон ҳалок бўлгани ва жабрланувчи касалхонага ётқизилгани айтилмоқда.