14 nafar iqtidorli talabalar Yevropa Ittifoqi ta’lim stipendiyalarini qo‘lga kiritdi
14 nafar o‘zbekistonlik iqtidorli talaba Erasmus Mundus qo‘shma magistrlik dasturi (EMJMD) doirasida Yevropaning nufuzli universitetlarida tahsil olish uchun grantlarni qo‘lga kiritdi.
Bu yilgi tanlovda mamlakatimiz yoshlari orasida matematika, xalqaro huquq, kimyo, tibbiyot, siyosat, atrof-muhitni muhofaza qilish kabi ta’lim yo‘nalishlariga qiziqish katta bo‘ldi.
O‘zbekistonlik stipendiatlar (5 nafari ayol va 9 nafari erkak) Yevropa Ittifoqining Estoniya, Italiya, Belgiya, Buyuk Britaniya, Ispaniya, Germaniya, Portugaliya, Chexiya kabi davlatlaridagi eng yaxshi universitetlarda ta’lim oladi.
Tahsil jarayoni joriy yil avgust-sentyabr oylarida boshlanishi rejalashtirilgan.
