Андижондаги кўп қаватли уйда газдан портлаш содир бўлди

Ижтимоий тармоқларда Андижондаги кўп қаватли уйда газ портлаганлиги ҳақида хабарлар тарқалди.

Бош прокуратура матбуот хизмати хабарига кўра, 2020 йил 9 декабрь куни соат 01:00 ларда Андижон шаҳар, Қўшариқ даҳасида жойлашган қўп қаватли уйнинг хонадонида табиий газ тўпланиб қолиши ва ушбу хонадонда яшовчи аёл Д.М. электр чироқни ёқиб юбориши оқибатида чақнаш келиб чиққан ва яшаш уйининг тахминан 30 квадрат метр қисми ёниб зарарланган.

Чақнаш туфайли турли даражадаги куйиш тан жароҳатларини олган хонадондаги 3 нафар фуқаро шифохонага ётқизилган.

Мазкур ҳолат юзасидан Андижон шаҳар прокуратураси томонидан тергов қадар текширув ҳаракатлари олиб борилмоқда.