Айрим техникумларга бир йилда 2 марта қабул ташкил этиш амалиёти жорий этилади, йирик корхоналар техникумларга бириктирилади

Президент иштирокидаги йиғилишда вилоят ҳокимлари, олий таълим вазирлиги ва тармоқ раҳбарлари билан биргаликда ҳар бир туман, шаҳар кесимида бажариладиган ишлар кўрсатиб ўтилди. Унга кўра:

- йирик иш берувчилар ва хорижий корхоналар билан музокара олиб бориб, техникумларни йирик саноат корхоналари ва кластерларга бириктириш;

- ҳар бир вилоятда камида 2 тадан техникумда халқаро таълим дастурларини жорий этиш топширилди.

Айрим техникумларга бир йилда 2 марта қабул ташкил этиш амалиётини бошлаш вазифаси қўйилди.

Бандлик вазирлигига ўтаётган 70 та муассаса негизида мономарказлар, шундан 25 тасини жорий йил якунига қадар ишга тушириш шартлиги қайд этилди (https://t.me/Press_Secretary_Uz/1882), дея хабар бермоқда Президент матбуот котиби Шерзод Асадов.