Беларусь: воқеалар ривожи. Лукашенко АҚШни Беларусдаги тартибсизликларни уюштиришда айблади

Беларусдаги тартибсизликларни АҚШ ташкиллаштирмоқда, европаликлар уларни қўлламоқда, таъкидлади мамлакат президенти Александр Лукашенко.

“Шундай қил дейилса – шундай қилишади. Варшава ёнида махсус марказ ташкиллаштирилган. У нима билан шуғулланаётганини биз назорат қилмоқдамиз. Оғир артилерия ҳаракатга келди. Тушуняпсизми, ёнингизда нотинчлик бўлиб турган вақтда, танклар ҳаракатга келса, самолётлар учишни бошласа, бу тасодиф эмас”, - таъкидлади Лукашенко.

Беларусь парламенти спикрлари Европа Иттифоқидаги ҳамкасбларини Беларусдаги вазиятга нисбатан объектив, профессионал ўрганилган ва масъулиятли позицияда бўлишга чақирди.

Беларусь Миллий йиғилиши республика Кенгаши раиси Наталья Кочанова ва Миллий йиғилиш Палата вакиллари раиси Владимир Андрейченко, 9 август куни мамлакат президентлиги учун сайловлар бўлиб ўтганини, унинг натижаларига кўра Александр Лукашенко ғалаба қозонганини эслатиб ўтдилар. Парламент сайловлар мамлакат Конституцияси ва қонунлари асосида ўтказилганини алоҳида таъкидлади.     

Европа Иттифоқи Беларусь ҳукуматини муҳолифат томонидан ташкиллаштирилган Мувофиқлаштириш кенгашига нисбатан очилган жиноий ишни бекор қилишга чақирди. Бу ҳақда ЕИнинг хорижий масалалар ва хавфсизлик сиёсати юқори вакиллиги матбуот котиби Набил Массралнинг баёнотида маълум қилинди.

“Беларусь ҳукумати жиноий ишни бекор қилиб, унинг ўрнига мазкур инқирозни тинч йўл билан ҳал қилишга қаратилган музокараларни бошлашига умид қиламиз”, - таъкидлади Массрал.   

Беларусь президентлигига собиқ номзод Светлана Тихановская 22 август куни қайта сайловлар ўтказилса, президентлик учун ўз номзодини қайта қўймаслигини маълум қилди. 

“Йўқ, мен ўзим қатнашишни режалаштирмаяпман”, - деди у “Белсат” телеканалига берган интервьюда.

Бекзод МУСУРМОНОВ тайёрлади.