Чеченистонда аёллар учун махсус такси жорий этилди

Чеченистонда фақат аёлларга хизмат кўрсатадиган ва ҳайдовчиси ҳам аёл бўлган такси хизмати йўлга қўйилди. Бу ҳақда РИА Новости хабар беряпти.

Ушбу хизматни ташкил этган Мадина Цакаеванинг сўзларига кўра, илк босқичда мижозларга бешта машина хизмат қилаяпти. Талаб ва таклифларга кўра, келажакда уни 20 тага етказиш режалаштирилган. Унинг сўзларига кўра чақирувларда операторлар ҳар қандай ҳолатда эркаклар чақирувини қабул қилмайди.

Ушбу такси хизмати "Мехкари" деб номланади. Бу сўз чечен тилидан ўгирилганда қизлар маъносини беради. "Мехкари" такси машиналари оддий такси машиналаридан "шахмат" ранги бинафшаранг эканлиги билан фарқ қилади.