Chechenistonda ayollar uchun maxsus taksi joriy etildi

Chechenistonda faqat ayollarga xizmat ko‘rsatadigan va haydovchisi ham ayol bo‘lgan taksi xizmati yo‘lga qo‘yildi. Bu haqda RIA Novosti xabar beryapti.

Ushbu xizmatni tashkil etgan Madina Sakayevaning so‘zlariga ko‘ra, ilk bosqichda mijozlarga beshta mashina xizmat qilayapti. Talab va takliflarga ko‘ra, kelajakda uni 20 taga yetkazish rejalashtirilgan. Uning so‘zlariga ko‘ra chaqiruvlarda operatorlar har qanday holatda erkaklar chaqiruvini qabul qilmaydi.

Ushbu taksi xizmati "Mexkari" deb nomlanadi. Bu so‘z chechen tilidan o‘girilganda qizlar ma’nosini beradi. "Mexkari" taksi mashinalari oddiy taksi mashinalaridan "shaxmat" rangi binafsharang ekanligi bilan farq qiladi.