Дам олиш кунлари мамлакатимизда қандай об-ҳаво кузатилади?
"Ўзгидромет" хабар беришича, дам олиш кунлари бутун мамлакат ҳудудида об-ҳаво ёғингарчиликсиз бўлади, кучсиз шамол эсади.
Фақат Тошкент вилояти ва Фарғона водийси вилоятлари тоғли туманларида 2-3 октябрда айрим жойларга ёмғир ёғиши, баланд тоғли ҳудудларда ёмғир қорга ўтиши мумкин.
3 октябрда эрталаб ва кечқурун туман тушиши мумкин.
Ҳарорат иқлимий меъёрларга яқин бўлиб, кечаси 5-10 даража, кундузи 22-25 даража атрофида сақланиб туради.
