Дунё воқеалари қисқа сатрларда: Сулҳ яқин, Исроил Рафаҳ шаҳрида ўт очишни тўхтатди. Перуда 1000 йиллик бешта мўмиёланган жасад топилди
🔻 Ҳамас сиёсий бюроси раҳбари Ҳания сулҳ битими яқинлашаётганини эълон қилди, ҳаракат Исроил билан музокараларда Қатар ва бошқа воситачиларга ўз жавобини етказган. Исроил мудофаа кучлари гуманитар мақсадларда Ғазо сектори жанубидаги Рафаҳ шаҳрида "тактик тўхтатиш"ни маълум қилган. ҲАМАС Исроил билан алоқаларда воситачи сифатида ишлаётган Қатар яқин соатларда гаровга олинганларни озод қилиш бўйича келишув тафсилотларини эълон қилишини кутмоқда.
🔻 Финляндия 22 ноябрга ўтар кечаси Россия билан чегарадаги барча назорат-ўтказиш пунктларини ёпмоқчи. Хусусан, Финляндия ҳарбийлари Салла назорат-ўтказиш пунктига етиб келган ва вақтинчалик тўсиқлар қуришни бошлаган. “Салла” қочқинларни қабул қилишда давом этаётган иккита назорат пунктидан биридир.
🔻 20 ноябрь куни эълон қилинмаган ташриф билан Киевга борган АҚШ Мудофаа вазири Ллойд Остин АҚШ Украинани қўллаб-қувватлашда давом этишини тасдиқлаган. АҚШ пул етарли эмас деб, Украинанинг Россия билан урушда мағлуб бўлишига йўл қўя олмайди. Бу ҳақда АҚШ молия вазири Жанет Эллен ҳам маълум қилган. Яқин орада АҚШ Украинага 100 миллион долларлик қурол-яроғ беради.
🔻 Meta корпорацияси бош директори Марк Цукерберг ва TikTok бош директори Чу Шоу Цзу АҚШ Конгресси Адлия қўмитасида вояга етмаганларнинг онлайн жинсий эксплуатацияси бўйича тингловда гувоҳлик бериши кутилмоқда. “Дунёдаги энг йирик ижтимоий тармоқлар раҳбарларининг кўрсатмасини тинглаш орқали қўмита вояга етмаганларнинг онлайн жинсий эксплуатацияси инқирозини ҳал қилиш учун зарур бўлган маълумотларга эга бўлади”, дейди сенаторлар.
🔻 Бир кун аввал яманлик хусийлар Қизил денгизда Исроилнинг “Galaxy Leader” кемасини қўлга олишга муваффақ бўлишган. Исроил кема Исроилга тегишли эмаслигини ва бортда исроилликлар йўқлигини айтган. Эрон томонидан қўллаб-қувватланадиган хусийлар матбуот котиби Яҳё Сареа айтишича, Исроил билан алоқаси бўлган барча кемалар уларнинг нишони бўлади.
🔻 АҚШ президенти Жо Байден шукроналик куни анъаналарига содиқ қолган ҳолда 81 ёшини Оқ уйда нишонлайди. Давлат раҳбари Америка анъаналарига кўра, Либерти ва Белл куркаларини афв этиш маросимида иштирок этади. Ҳозир қушлар Миннесотадан узоқ сафаридан сўнг Willard Intercontinental меҳмонхоналаридан бирида "озодлик"ни кутишмоқда.
🔻 Перуда Римак дарёси яқинидаги Ла Флорида археологик майдонида олиб борилган қазишмалар пайтида археологлар ёши 1000 йилдан ортиқ бўлган бешта мўмиёланган жасад топишди. Топилган қолдиқлар тўрт бола ва бир катта кишига тегишли. Бундан ташқари, олимлар эрамиздан аввалги 3500 йилга оид зинапояларни топишган.
