Европанинг географик маркази қаерда?

Европанинг географик маркази замонавий компьютер дастурлари ёрдамида беларус олимлари Алексей Соломонов ва Валерий Аношко томонидан Борис Фурман раҳбарлигида аниқланган.

Европанинг географик маркази Белоруснинг Полоцк шаҳридан жануби-ғарбий томонда 48 километр узоқликда, Шо кўли яқинида жойлашган. Россия олимлари беларус ҳамкасбларининг ҳисоб-китобларини тасдиқлаб, Европа чегараларини аниқлашда уларнинг услубларига таяндилар.

Дунёнинг томонлари кўрсатилган шамоллар гули тасвирланган  декоратив белги марказ аниқланган ҳудудга жойлаштирилган.

Белгининг координаталари: 55 градус 30 дақиқа шимолий кенглик ва 28 градус 48 дақиқа шарқий узунлик.

Кейинги қисмида Ернинг шимолий ярим шари тасвирланган. Бу ерда Европа маркази аниқланган ва  харитаси тасвирланган. Символик меридиан айланаси Полоцк гербидаги уч мачтали кема билан безатилган, бу кема қадимда варяглардан грекларгача бўлган савдо йўлидаги тўсиқларни енгиб ўтган. 

«Европанинг географик маркази» ёзуви беш тилга таржима қилинган:

шимол томонда — швед тилига,

шарқ томонда — рус тилига,

жануб томонда — юнон тилига,

ғарб томонда — инглиз тилига,

айлана бўйлаб — беларус тилида.

Бундан ташқари, махсус жадвалларда Европанинг энг чекка нуқталар координатлари кўрсатилган. 

Полоцк шаҳридаги «Европанинг географик маркази» ёдгорлиги 2008 йил 31 майда очилган. 

Муниса Шамсиева,

Беларус, Полоцкдан zarnews.uz  учун.