Грузияда ҳалокатга учраган турк самолёти жойида қидириш-қутқарув ишлари давом этяпти
Кеча Туркияга тегишли "C-130" ҳарбий-транспорт самолёти Озарбайжондан Туркияга парвоз пайтида Грузия ҳудудида ҳалокатга учради.
Маълумотларга кўра, самолёт бортида бўлган 20 нафар кишининг барчаси ҳалок бўлган. Ҳодисадан сўнг Озарбайжон президенти Илҳом Алиев Туркия президенти Режеп Таййиб Эрдўғанга таъзия билдирди ва икки етакчи телефон орқали суҳбатлашган.
Маълум қилинишича, самолёт бортида ҳеч қандай портловчи моддалар ёки қурилмалар бўлмаган — фақат F-16 самолётлари учун эҳтиёт қисмлар ташилаётган эди.
НАТО Бош котиби Марк Рютте шу муносабат билан Туркияга таъзия билдирди.
Ҳалокат жойида қидириш-қутқарув ишлари давом этмоқда.
