Ҳоким ўринбосари Саратовдаги диаспоралар билан миграция масалаларида келишув имзолади

Айни пайтда Самарқанд вилояти ҳокимининг биринчи ўринбосари Жамшид Ўроқов хорижда меҳнат қилаётган ўзбекистонлик меҳнат мигрантлари иш шароитларини ўрганиш мақсадида Россияда бўлиб турибди.

Бугун Россиянинг Саратов шаҳридаги ўзбекистонлик жамоалар – “Согдиана” ва “Турон” диаспоралари билан ташқи миграция масалалари бўйича келишув имзоланди.

Келишувда мигрантларнинг хорижда меҳнат қилишлари учун қулай шароит яратиш, уларнинг ҳақ-ҳуқуқларини ҳимоя қилиш масалалари назарда тутилган.