АҚШ 572 нафар ўзбекистонликни депорт қилди
АҚШ Иммиграция ва божхона хизмати 2024 йилнинг январь-сентябрь ойларида 572 нафар Ўзбекистон фуқаросини мамлакатдан чиқариб юборди. Бу 2023 йилнинг шу давридагидан 6,5 баробар кўп.
Жами 271,5 мингга яқин чет эл фуқароси АҚШдан депортация қилинган бўлса-да, ўзбекистонликлар сони бўйича Россия, Марказий Осиё давлатлари ва бошқа қатор давлатлардан (Россия − 464, Афғонистон − 132, Тожикистон − 77, Қирғизистон − 69, Украина − 53, Арманистон − 27, Қозоғистон − 23, Озарбайжон − 13, Туркманистон − 5) олдинда.
Эслатиб ўтамиз, АҚШнинг янги сайланган президенти Дональд Трамп 11 миллион нафар мигрантни мамлакатдан депортация қилишни режалаштирган.
