Иштихонда ғалласи ўриб олинган ер майдони ёниб кетди

Кеча, 2З июнь куни соат 16:43 ларда Иштихон тумани фавқулодда вазиятлар бўлими 12-КЁКК навбатчилик қисмига «Муродобод» маҳалласи ҳудудида жойлашган фермерга тегишли буғдойи ўриб олинган ғалла майдонида ёнғин содир бўлаётгани тўғрисида хабар тушган.
Соат 16:55 да ёнғин юз бераётган жойга туман фавқулодда вазиятлар бўлимидан 2 та ёнғин ўчириш экипажи етиб борган ва ёнғин бартараф этилган.

Қайд этилишича, ёнғин оқибатида, Иштихон туман Муродобод маҳалласи Янгиобод қишлоғида яшовчи фуқарога тегишли фермер хўжалигининг 3 гектар ғалласи ўриб олинган майдондаги сомон ёниб кетган. 1 гектар буғдойи ўрилмаган ва яна 3 гектар ўрилган майдон сақлаб қолинган.

Иштихон туман ФВБ хабар беришича, ҳозирда, мазкур ёнғиннинг келиб чиқиш сабаблари юзасидан суриштирув ўтказилмоқда.