Исроил бутун Ғазо секторини аннексия қилиши мумкин

Бош вазир Нетаняху Ғазони тўлиқ қўшиб олиш режасини тайёрламоқда.

Haaretz нашрининг ёзишича, у ҳужжатни ҳарбий-сиёсий вазирлар маҳкамасига тақдим этади: ҲАМАСга ўт очишни тўхтатишга рози бўлиши учун бир неча кун муҳлат берилади, агар улар рад этса, Исроил Фаластин ҳудудларини босқичма-босқич аннексия қилишни бошлайди.
Ажабланарлиси, Нетаняхунинг сўзларига кўра, Трамп маъмурияти аллақачон бу режани қўллаб-қувватлаган.
Аввалроқ Исроил урушни тугатиш вариантлари орасида нафақат аннексия, балки ҲАМАС фаолият юритаётган ҳудудларни тўлиқ босиб олиш ёки блокада қилиш ҳам борлигини айтган эди.